Sanctuary-ah sai hnawhluh tum

Lawnnlgtlai District chhung Ngengpui Sanctuary atanga Ngengpuikai khaw rama sai chhuak chu sanctuary chhungah a lalut loa, sanctuary a hnawhluh tumin beih mek a ni.

Sai hi Ngengpuikai khaw ramah hian tun thla tir lam atang khan hmuh tan niin, Forest Department leh mipui tangkawpin sanctuary-a hnawhluh tumin rithei chi hrang hrang nen theihtawp chhuah mah se, tun dinhmunah sai hi sanctuary chhungah a la lut lo nia hriat a ni.

Sai-in thlawhma a tihchhiat Deputy Conservator of Forest,Chhimtuipui Wlildlife Division a  report lut tawh chu chhungkaw 18 thlawhhma a ni. Report dang pawh a la luhbelh a rinawm. Dr R Lalruatfela, Dy.Conservator Forest chuan sai-in thlawhma leh thlam a tihchhiatsakte chu zangnadawmna an hmuh ngei theih nan hmalak a nih tur thu a sawi.

Forest Department lamin an hriatdan chuan Ngengpui Sanctuary-ah hian sai hi pathum awmin, pakhat chu sanctuary pawn  a awm mek hi a ni.

Sai hi The Wildlife Protection Act, 1972, in Schedule-I hnuaiah dahin, chhawnchhaih, tawktarh, tur a hrai, tihnat emaw tihhlum a khap. He dan hi bawhchhiat anih chuan, pawisa cheng 25,000 aia tlem lo leh lung inah kum 3 atanga kum 7 thleng tan theih a ni.