Excise Dept. hotuten CM an kawm
admin 14-Oct-2024 02:48 PMVawiin (14.10.2024) chawhma khan Chief Minister Office-ah, Chief Minister Lalduhoma chuan Excise & Narcotics Department hotute kawmin, The Mizoram Liquor Prohibition Act, 2019 leh The Mizoram Liquor Prohibition Rules 2022 kenkawhnaa thil pawimawh thenkhatte bakah, dan hman mek tihphuisuina tur thenkhat a sawipui.
Ruihhlo do chungchangah Chief Minister chuan, 'Sawrkar hian a tir phat atangin ruihhlo donaah theihtawp kan chhuah nghal phat a, a bik takin Excise & Narcotics Department leh tlawmngai pawl hrang hrangte hmalakna hi fakawm ka ti hle mai. Tih takzetin an bei tih a hriat. Chutih rualin kan hmabak erawh a la ko hle. Thahnem ngai takin ruihhlo hi bei zel tur kan ni, ' a ti.
He inkawmhonaah hian Lalnghinglova Hmar, Excise & Narcotics Minister, Lalramsanga Sailo, Secretary to Govt. of Mizoram, Excise & Narcotics Department; Z. Lalhmangaiha, Commissioner of Excise & Narcotics bakah senior officer thenkhat an tel.
