City bus-te an ding dawn

Aizawl City Bus Owners' Association (ACBOA)  chuan circular ti chhuakin, naktuk (23.10.2024) atanga Mizoram Commercial Vehicle Union (MCVU) in oil man sang lutuk leh, Mizoram kawngchhe lutuk avanga lungawi lohna a lantir tur (no. plate eng leh no. plate dum a, a enga inziak ding vek tura a tih) chu an thlawp tlat tih an tarlang.

ACBOA chuan, 'Ni 23.10.2024 (Wednesday) atanga tiam chin awm loin city, ZMC leh side hrang hrang leh institution hrang hrang, MZU, NIT, GAC, GCS etc leh private institution in an hman zawng zawng, city bus-te che chhuak miah lo turin kan in hriattir a, Aizawl khawpui chhung duty check point hrang hrangah thahnemngai takin owner's, driver leh conductor-te duty turin kan in ngenin kan in hriattir nghal bawk a ni,' an ti.