MNF kan tho leh dawn - Lalruatkima

MNF Treasurer Lalruatkima, MNF Treasurer chuan vawiin (21.10.2024) leh nimin khan Chalfilh bial khaw hrang hrang - Sihfa, Phullen, Phuaibuang, Khawlian, North East Tlangnuam leh Daido-te a tlawh a, heng hmunahte hian party mite nen inkawmhona hun ṭha tak an hmang ho a ni. 

Lalruatkima chuan Zoram pumah kawng a chhe em em a, Aizawl khawpuiah ngei pawh kawng an siamṭha hlei thei lo nia sawiin, 'Kan kawngpui ber, kan chaklakna kawng an siam ṭha hlei thei lo a, kawng hrang hrangin harsatna kan tawk mek.  Petrol leh diesel man a sang a, lirthei neitute an nuar dawn mek. Zirlaite midday meal pawh an pe hlei thei ta lo.  Mipui vantlangin ration card kan neih card var lah nise letin, kg khat cheng sawm thumah an tisang a ni. Kawng hrang hrangin Zoram hi a buai nuai mai. Neutral-te an beidawng tawh em em a ni. Kum khat em pawh an la sorkar hmain sorkar tla tur hun tawp lam hmang ang mai a ni, kawng tinrengah an buai nuai mai,' a ti.

MNF Treasurer chuan enchhin a zawnga enchhin fuh lo ber Zoramin kan tawng tih sawiin, 'Hei hi neutral mipuite ngaihdan a ni. Rei lote kan enchhin chhungin mipui kan beidawng der tawh. Kan puk ve lo ang, an tih sumte lah chu vaibelchhe 2800 dawn an puk tawh a, a uai rit tawh hle a ni. MNF kan tho leh dawn, kan hliam hluite dam rawh se. Kan tihsualte siamṭhain Zoram tan MNF a lo tho chhuak leh dawn,,' tiin Pathian leh kan ram tan titu MNF hi Pathian vangin a ding chhuak leh dawn niin a sawi.