Youth Icon top 10 zan hnihna zaninah

LPS Vision production buatsaih LBS Youth Icon 2024 top 10 intihsiak zan khatna chu nizan khan neih a ni a, zaninah CFL Hmingthanga hla hmangin intihsiak neih leh a ni dawn a; a hmuna chhim duh tan kal hma a fuh ang.

Top 10 intihsiak zan khatna hi LPS Arena Falkland ah neih a ni a, contestant te chu Music Track hmangin an hla duh ber sain an in lan a, a thiam rual thlan chhuah an ni tawh bawka an zai a ngaihnawm tlang hle.

Top 10 intihsiak hi LPS 1 ah Live in pek chhuah ziah a ni a, a hmun LPS Arena ah pawh ticket leiin a chhim theih a ni.

Nizan khan show neihna LPS Arena ah chhimtu mipui an thahnem hle a, zaninah pawh an thathnem leh viau beisei a ni a; thut na tha chang turin kal hma a fuh ang. Show hi zan dar 8 ah neih tan thin a ni.

Top 10 intihsiak zan hnihna, zaninah contestant te chu CFL Hmingthanga hla sa in an intihsiak leh dawn a, sound track nen bawk an zai leh ang.