Youth Icon top 10 te an intihsiak dawn ta
admin 06-Oct-2024 06:19 PMLBS Suzuki Youth Icon 2024 inelna boruak a sâng chho zêl a, a ṭha zual 10 thlan chhuahte'n intihsiak an nei ṭan dawn a, mipui chhim theih tura ruahman a ni a; ticket lei tur a awm dâwn.
Top 10 intihsiak hi zan hnih neih a ni dâwn a, a zan khatna hi October 7, 2024 (Thawhṭanni) zanah LPS Arena, Falkland-ah neih a ni dâwn a. Top 10 intihsiak hi a duh apiang tan chhim theih a ni a, luh man erawh a awm dawn a, ticket man hi Rs.50/- a ni a; show neihna hmunah ticket hi lei chawp tur a ni.
Top 10 inelna zan khatnaah hian contestant-ten an duh duh hla an sa dâwn a, a zan hnihnaah erawh CFL Hmingthanga Night a nih angin, a hlâ sain an intihsiak thung dâwn a ni.
Top 10-a tlingte hi an mentor-te kaihhruaina hnuaiah ngawrh takin an inbuatsaih a, show neihna tur LPS Arena pawh uluk taka cheibawl a ni a, a hmuna chhimtute tan a nuam hle tura beisei a ni.
