Zaninah Youth Icon top 5

Zaithiam titu eng emaw zat an nei vek, chung zaithiam vek zingah chuan zanin (14.10.2024) hian LBS Suzuki Youth Icon 2024 top 5 te hriat a ni dawn ta. Result puan zawhah top 5 te an intihsiak chhunzawm nghal ang.

October 12, 2024, Inrinni zan khan top 6 result puan a ni a, Ramengmawia, Meidum chu thlah liam a ni dawn emaw tih a nih laiin, judge pakhat Andrew-a chuan wild card hmangin a chhanhim a, intihsiaknaah a tel chhunzawm thei.

Inrinni zanah hian 'The Beatles Night' hman a ni a, contestant-te hi The Beatles hla

pakhat leh, top 10-a an hla sak tawh zinga an duh ber pakhat hmangin an intihsiak a ni.

Top 6-ah mi pasarih an intihsiak tak avangin zanin hian mi pahnih an tlak a ngai dawn. Tute tak maw tla ang..?

Top 6-a tlingte chu - Lalbiakkima Hnamte, Thentlang; Lalsangliana, Bawktlang; Samson Lalhunruata, Champhai Kanan Veng; Peter Lalnupuia, College Veng; Laldinhlua, Champhai Kanan Veng; Zothankim, Tachhip leh J.Lalrosanga, Tuidam te an ni.

Judge-te hian wild card hi vawi khat theuh an hmang thei a, Victor leh Andrew-te chuan an hmang tawh a, Rosy-i'n a la hmang ve lo.