Film festival hriat hlawhah Mizo

Raymond Remlalmuana (Raymond Colney) leh Andrew Vanengmawia (Drew Pachuau) te chu Asia khawmualpuia film festival hriat hlawh leh lian pawl ber te zinga a mi – Korea-a Busan International Film Festival vawi 28-naah tel turin vawiin (5.10.2024) hian Korea an thleng.

An pahnih hi Mizoram aiawh turin Information & Public Relations Department-in an thlang a, an kalna tur senso zawng zawng chu Ministry of Information & Broadcasting leh National Films Development Corporation (NFDC) in an tum vek dawn a ni. 

Busan International Film Festival a tel turin hmarchhak state tin atangin film siamtu (film maker) 2 theuh thlan an ni. 

Busan International Film Festival hi October 2, 2024 khan tan niin October ni 11 ah a tiak dawn a, hmarchhak film maker-te hian ni 5 chhung festival an chhim dawn.