Raltlante chhawmdawlna hlan

Tunhnaia Myanmar-a inkahna thleng avanga sahimna zawnga Mizoram ram rawn beltu, Champhai District chhung Zokhawthar, Saikhumphai leh Vaphaia raltlante tan vawiin (10.9.2025) khan Emergency Relief & Disaster Services, Salvation Army, India Eastern Territory (IET) chuan chhawmdawlna thilpek hrang hrang an hlan. 

Salvation Army, India Eastern Territory Team, Zokhawthara chhawmdawlna hlantute hi Col. Lalliankunga, Cabinet Secretary for Programme Administration chuan hoin raltlante tan buhfai quintal 10, dal quintal 8, tel case 15 leh chi quintal 1.5 te chu Zokhawthar YMA kutah an hlan. Heng bakah hian sahbawn, sanitary pad, toothbrush leh tooth paste-te mimal hnenah an sem.

Vawiin vek khan Major Lalhmingthanga, Social & Emergency Secretary hoin Vaphai leh Saikhumphaia raltlante tan chhawmdawlna thilpek hrang hrang - buhfai quintal 10, dal quintal 8, tel case 15 leh chi Qquintal 1.5 te chu Vaphai YMA kutah an hlan a, sahbawn, sanitary pad, toothbrush leh tooth paste-te mimal hnenah an sem chhuak nghal.