Chalfilh Group YMA an khauh dawn

Chalfilh Group YMA Anti-Drugs Squad chuan heroin sumdawnna atana zuarte chu an chhungkua emaw a mah bik tiamchin awm lovin Group YMA area atanga hnawhchhuah tur a nih thu an tarlang a, 'A/an lo lut leh duh a nih chuan an sim hmak a ni tih hriatchian hnuah Group YMA remtihna a nih chuan an rawn lut leh thei ang,' an ti a, ruihhlo la ti lote venna atan a ti mek leh a zuarte an dim dawn lo tih an tarlang.

An thuchhuah dangte :

* GADS emaw Branch/Joint YMA anga kan rinhlelh emaw kan dawp chang a, an thlavang lo hauh zawnga hmalatute lo tawng/lo vau an awm chuan GADS-in a zilhhau ang. Zilhhau bak, an dinhmun a zirin an chungchang ngaihtuah bawk ang.

* Zu leh ruihhlo dang man a nih chuan an awmna branch hruaitute nen a neitu chungchang ngaihtuah  a ni ang.

* Licence neia damdawi zuar thenkhat ten ruih nan pills etc hralh thin kan awm niin a hriat a, hetiang zawnga hralhchhuak man fuh a nih chuan an licence cancel sak tura hmalak a ni ang.

* Heng bakah hian tuldang thil ngaihtuah tur a awm a nih Chuan Group YMA angin emaw GADS angin a tul angin a ngaihtuah thin ang.