CM leh HRSD India hotute an inkawm

Nimin (9.7.2025) khan Chief Minister Lalduhoma leh HRDS India hotute chu Mizoram House, New Delhi-ah an inkawm a, Mizorama mi harsa zawkte tana chenna in sak theih dan kawng an sawidun.  

HRDS India hian programme pakhat Sadhgraha an tih chu kalpuiin, tribal mipui, chenna in tha nei lote tana chenna in tur sak chu an pawl thiltum lian ber a ni. Kum 2029 ral hma ngeiin India ram pumah tribal-te tan chenna in nuai 100 din sak hman an tum mek. 

An hotute chuan Mizoram chhungah pawh zirchhianna an neihfel tawh thu leh phase I atan chenna in 5000 vel sa tura hmalak an inpeih thu an sawi. A tul angin a theihna zawnah hma a lo lakpui zel tur thu Chief Minister hian HRDS India hotute hi a hrilh a ni.

Chief Minister hi Lok Sabha MP Richard Vanlalhmangaiha, Adviser to CM Lalmuanpuia Punte leh OSD to CM R Lalrodingiten an tawiawm.