Icon top 4-te an hriat ta
admin 16-Oct-2024 10:33 AMLBS Suzuki Youth Icon 2024 chu a hmawrbawk a hna chho ta a, nizan (15.10.2024) khan mi paruk zing atangin top 4 puan a ni a, J Lalrosanga, Tuidam leh Samson Lalhunruata, Champhai Kanan Vengte icon zin kawng a tawp. J Lalrosanga'n ama puala Whatsapp group an siam a mite'n pawisa an thawhkhawm chu Muanna In tan a hlan vek.
Top 4 tlingte chu - Lalbiakkima Hnamte, Thentlang; Lalsangliana, Bawktlang; Peter Lalnupuia, College Veng; Laldinhlua, Champhai Kanan Veng leh Zothankima, Tachhipte an ni.
Icon atanga a tlak hnuah J Lalrosanga chuan amah tantu Whatsapp group 10 chuang a mite'n a tana pawisa an thawhkhawm chu Muanna In tan a hlan vek thu a puang.
J Lalrosanga chuan, 'Tun hun min hruai thelngtu Pathian chungah lawmthu ka sawi. Judge-te vanga tun hi thleng thei ka ni. Tuidam, kan khuaah big screen-in min lo en thin a, Zoram dung leh vang min tawngtai puitute chungah ka lawm. Aizawl ka thlenna Ramhlun Vengthar chungah ka lawm hle,' a ti.
A thlen inte hnenah lawmthu sawiin J Lalrosanga chuan, 'Ka thlen in te zarah tun hun ka thleng a ni. Vei vahna zawng zawng min hman tir,' tiin amah tantute zawng zawng hnenah lawmthu a sawi.
