Congress hi Kristian pachal din - Lal Thanzara

MPCC President Lal Thanzara chu vawiin (24.10.2024) chhun khan Sinlung Hills Council inthlan lo awm tur atan Phuaibuang, Khawlian leh Zawnginahte a campaign a, Congress Party chu Kristian pachal din a nih thu a sawi. 

Lal Thanzara chuan Congress Party-a awmte chu an awmna tur dik takah an awm nia sawiin, 'Congress hi Kristian pachal din a ni a, Congress President-ah pawh Kristian pachal an lo awm nual tawh.  Congress hi remna leh muanna, sakhaw zalenna duhtu party kan ni a, Mizorama remna leh muanna thlentirtu chu Congress a ni. PC Sawrkar Pu Thena kaihhruai khan remna leh muanna a awm theih nan hma an lo la a, mahse Pathianin mal a sawm lo,' a ti.

Mizoramah Congress chiah hi BJP sum hmang lo awmchhun an nih thu sawiin MPCC President chuan, 'MNF kha BJP nen an thawkho a, an sum hmangin an sawrkar. Mah se, BJP thu an awih loh avangin BJP-in an han hrek tak tak a, sawrkar hnathawk pawhin a hunah hlawh an la thei lo a nih kha. ZPM pawh hian BJP an thawhpui a ni tih a lanna chu BJP candidate pahnih dinna Siaha leh bial dang pakhatah khan candidate an dah ve lo. An sawrkar chiah khan Siaha Bialtu K Beichhua phei chuan Deputy Chief Minister nih a rawn tum nghal chat a ni,' tiin mipui leh kohhran mite mitmei an ven avangin BJP duhdan an zawm thei ta lo niin a sawi.