Puipunna hmuna meizu an man

Lunglei District Anti-Tobacco Squad (ATS) te chuan tukin (9.11.2024) khan Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) Act, 2003 [COTPA 2003] section 4-na tlawh chhanin Lunglei Sobji Bazar leh a chhehvel puipunna hmunah meizial zu an vai. 

Dan bawhchhia mi 11 man niin, COTPA section 21(1)-na tlawh chhanin pawisa chawitir ṭheuh an ni a, an pawisa chawitir tling khawm chu Rs. 1,050/- a ni.

COTPA 2003 section 4-na chuan vantlang hmun leh mipui pun khawmna hmun hrang hrang, he'ng - pindan zau (auditorium), damdawi in, rel chawlhhmun, intihhlimna hmun, ei-in dawr (restaurant), sawrkar pisa, rorelna in (court), zirna in, lehkhabu inpui (library), veivak phur lirthei leh mipuiin an dawr leh an tlawh pawh ṭhin hmun hrang hrangahte meizial zuk a khap.

Dan pawisa lova vantlang hmun leh puipunnaa mei zu mante chu COTPA section 21(1)-na tlawh chhanin Rs. 200 thleng chawitir theih an ni a. Lunglei District ATS hi a khat tawkin mipuiin COTPA 2003 an zawm leh zawm loh endikin an feh chhuak ṭhin a ni.