Two wheeler taxi-ah heroin man

Assam Rifles chuan thuchhuah siamin, Excise & Narcotics Department nen tangkawpin nimin (8.11.2024) khan heroin grams 129.35, cheng nuai 90.54 hua chhut an man tih an tarlang. 

Assam Rifles tarlan danin, an thu rinawm tak bawhzuiin Excise & Narcotics Department nen hian Champhai Zoteah joint ooperation an nei a, heroin kaihhnawihah hian Zolawmsanga (24), Myanmar ni inchhal two wheeler taxi khalh atangin an man.

Heroin hi scooty-a ke dahna hnuaiah uluk taka thuh ruk a ni. Scooty leh heroin hi Excise & Narcotics Department-te'n an kawl a, dan angin hma an lak chhunzawm ang.