Chetsualna avangin nupa an thi

Hla phuah thiam leh zai thiam, All India Radio artist ni bawk C Vanlalzuia (Mazuia), kum 50, chu lirtheia chetsual avangin vawiin (8.1.2025) tlai khan a thi.

C Vanlalzuia leh a nupa chuanna auto rickshaw chu Champhai Zote dai, Ngur khua nena an inkara Sathar khamah chesualin, kawngthlang ah an tla liam a, chetsualna hmunah Hmangaihzuali w/o C.Vanlalzuia chu a thi nghal. C .Vanlalzuia chuan hliam na tak a tuar a, Champhai District Hospital thlenpui a nih hnuah a thi zui ve ta a ni.

C Vanlalzuia hian a hun hmasa lamah lengzem phuahin a sa thin. 'Derna Anka' hla a phuah leh sak atang hian mi hriat pawh a hlawh hle. 'Irene I Tan' tihte leh hla dan eng emaw zat a sa. 

Gospel lama a kal hnuah hla eng emaw zat phuahin a sa bawk a, chung zingah 'Haleluiah Amen' a lar pui ber a tih theih awm e.