Kum 17 mi thia hmuh a ni

Tukin (18.1.2025) dar 5 vel khan Kolasib Diakkawnah mipa ruang chhar a ni a, police leh khawtlang hruaituten an enfiah hnuin Lalvohbika (17) s/o Lalsangliana, Diakkawn a ni tih finfiah niin, a ruang hi Kolasib District Hospital-ah postmortem tura lak a ni.

Kolasib atanga Bengvarna thudawn danin, Lalvohbika hi an thianpa zin haw chu a thian dangte nen an lenchilh a, an len rei deuh hnuah an thianpa zin chau hian a mutsan a ni. An thianpa hian a thiante tindarh tak dan a hriat mumal loh thu a sawi.

Zing dar 5 vel khan an lenna building bula awm Madini Choka (chaw man tlawm) a thawk nula chuan kawnglaia mipa ruang lo let reng chu hmuin, a bula in neitute a hrilh a, anni hian khawtlang hruaitute an hriattir veleh nghal a ni.

Lalvohbika taksa ah hian a lang thei chinah a lu bak hliam dang hmuh a ni lo. A thih chhan hriat la ni lo mah se, an lenna building ațanga tla niin rin a ni. Vawiin vek hian Diakkawn thlanmualah vuiliam a ni ang.