Feli Fanai dinhmun a tha lo?

Ventilator a hmang a, nizan thisen unit 2 an pe a, a BP a sang hleithei lo..A dinhmum a tha lo hle

Mizo hmeichhe zaithiam, zai a thiam mai bakah a che vel hmuhnawm tak, mi tam takin an duh rawn, Feli Fanai chu a dinhmun a tha lo hle nia thudawn a ni. 

Bengvarna thudawn danin, Feli Fanai hi ventilator hman tir a ni tawh a, nizan (9.2.2025) khan thisen unit hnih pek a ni. A BP a sang hleithei loa, a dinhmun a tha lo hle. 

Chhungkaw group thenkhatah phei chuan zanin an daih tawh loh mai theih thu leh tawngtai chu an tih theih tawk a nih thu post a ni. 

Feli Fanai hi hun eng emaw chen ICU-ah a awm hnuah sawn chhuah a ni. nimin tlai lamah a thaw a hah a, oxygen-te pek a ngaih avangin ICU-ah an dah leh. Pneumonia-te'n a tlak buak nia hriat a ni. 

Feli Fanai hi December 20, 2024 khan a taksa a chauh zual deuh avangin Aizawl Hospital panpui a ni a, ICU lamah enkawl tura dah luh nghal a ni.Hemi hnu hian damdawi lama mithiamte'n theihtawp chhuahin an enkawl a, thisen pawh vawi eng emaw zat an pe.

January 6, 2025 tlai dar 5 khan Aizawl Hospital atangin Ebenezer-ah phurh thlak niin, ICU-ah tho dah luh nghal a ni. Hma a sawn chhoh viau laiin, ICU-ah dah luh leh ngaiin a awm a, a dinhmun a tha lo.