Lunglei MZI hruaitu pali an bang

MZI Hqrs., Lunglei hruaitu pali - treasurer Lalenkawli Pautu, fin. secretary KC Lalthanzuali, executive member Melody Varte leh executive member V Lalrempuiite chuan vawiin (9.3.2024) hian MZI Hqrs., Lunglei atanga banna an thehlut.

Banna an thehluha an tarlan thenkhat :

1. Meeting Notice No. F.20016/10/2024/DCL/Vol-11 of 11/Feb/2025 Lunglei DC hnen atanga kan hmuhah khan District Level Committee koh a ni a, All NGO leh All Head of Office-te Chapchar Kut 2025 atan meeting a ko a ni. Hetah hian President emaw Secretary emaw kal lovin Information Secy chu MZI represent a ni. He meeting hi Chapchar Kut 2025 Organising Committee ni loin, organising committee member tur ruatna leh Chapchar Kut chungchang a kohkhawm chauh an ni. He nia kalte NGO leh Head of Office-te hi organising committee atan ruat an ni vek kher lo. Mah se, member-te hriatah organising committee vawi 1-na ah min ko a, vawi 2-na ah min lo paih leh daih tiin thudik tawk lo puan a ni a, member tam zawk rilru sukthlek dik lo takin min hruai hi a pawi kan ti hle.

2. Member-te hriat à 'Chápchar Kut 2025 Organising Committee vawi-2 na ah min bân/paih a, kohna pawh min pe lo a, a vawi-3 na ah koh/ruat leh hnuhnawh kan ni' tia hruaituten in sawi hi thudik lo a ni. Hetianga thudik tawk loa member-te thluak min suksak hi tha lo kan ti a, pui tlinloh thlak hle in kan hria a ni. 2nd meeting tia in sawi tlat hi Chapchat Kut 2025 Organising Committee vawi-1 na zawk a ni. He committee ah hian zaimite chu kum dangah pawh committee member kan nih thin thute sawiin organising committee member atan ruat leh kan ni ta a, tichuan MZI leh MDM mai ni loin NGO hrang hrang leh dept/office dangte pawh ruat belh leh an ni

3. Chapchar Kut 2025 Organising Committee in 1st meeting an neih khan Lunglei khawpuia zaithiam tak takte mimal angin zai turin an ruat a, hengte hi MZI leh MDM member an nih avanga ruat án ni lo. Amaherawhchu, kan hán chhût a MZI leh MDM member inzat chiah pathum ve ve leh guest artis-te Zoram pum huapa lar ruat anni Heng zaimite hi pawl anga sawm ni loin mimal angå address an ni. Heng thil kan hriat hnu hian MZI Executive Committee neih a ni a, hruaituten kan lungawi lohna hrang hrangte sawi chhuah a ni. Chutichuan MZI leh MDM hruaitute lo in biak lawk tawh angin OB joint meeting neih nişe tiin kan rel a, he OB joint meeting hian a rel ang ang ka pawm vek ang tiin executive member-te chuan rem kan ti tlang a ni. Nimahsela, MZI dan leh inkaihhruaina pel rawk khawpa rorel a nih hi kan beisei loh leh rin rin phak loh a ni. Hetiang em em a kan member-te chunga hremna lekkawh tura thutlukna siam a ni dawn tih hria ila executive committee-ah khan OB Joint meeting rel ang ang kan pawm ang tiin thutlukna kan siamin kan ring lo.

4. Chapchar Kut 2025 Organising Committee in kan member zai tura a ruatte, duhsak leh platform tha an chante lawmpui alin CCK Organising Committee member atanga min paih anga kan ngaihna lungawi lohna lantina atan kan member-te zai lo tur leh zai lui chu member atanga hnawhchhuah mai bakah life member pawh nise engtikahmah member an ni leh thei tawh lo ang tih hi kan pawm thei lo a ni. Zaimite hmakhua ngaihna leh duhsakna tak tak kan nei lo zawk tih a lang, he thutlukna hi rilru nat thlak kan ti hle.

5. Chapchar Kut, 2025 Lungleia kan member malzai a chanvo neite chunga action lak anih rual hian engvangin nge Chapchar Kut lawmna Lungleia zai theuh theuh YMA zaipawl a mi (MZI &MDM member) te chunga action lak a nih lak anih ve loh laia malzai chungah chauh action lak a nih. Ngun taka kan ngaihtuah hian tuna kan hruaitute rorel danah hian zaimite hma khua ngaih aiin zaimite kawng tihpin şak kan chak zawk in a lang. Hetianga hruaitute rorel danah hian kan awm ve reng ngamna chi niin kan hre loa, MZI member atanga bånna thehluh hi kan duh ta zawk a ni

6. MZI & MDM joint meeting rorel dan hi keini chuan zaimite hmangai kan nihna kan hre loa, zaimite kawng kan tih pinna zawkah kan ngai.