MLP Act tihdanglamna tur sawiho dawn

Vawiin (10.3.2025) Assembly Session-ah 'The Mizoram Liquor (Prohibition) Amendment Bill, 2025' chu sawihoa pass tum a ni dawn. 

Assembly Session neih meka bill lut zinga sawi hlawh ber tura ngaih 'The Mizoram Liquor (Prohibition) Amendment Bill, 2025' hi Excise & Narcotics Minister Lalnghinglova Hmar-in a pu lut ang a, sawihoa pass tum a ni dawn. 

The Mizoram Liquor (Prohibition) Amendment Bill, 2025 hi a nihphung tur hriatchian la ni lo mah se, Mizo thar chhuahte hmanga wine leh beer siam lam a hawi dawn nia rin a ni. Zu chungchang a tel dawn em hriat chiah a la ni lo. 

Tarlan tawh angin The Mizoram Liquor (Prohibition) Amendment Bill, 2025 hi ni 5.3.2025 Assembly Session-ah sawiho tura chhawp chhuah nimah se, sawiho a ni lo.. 

Assembly Speaker Lalbiakzama chuan 'The Mizoram Liquor (Prohibition) Amendment Bill, 2025' chu nizanah sem chhuah a nih thu sawiin, 'Member-te'n zirnna hun deuh, inpuahchahna hun deuh awm se kan va duh em tiin an rawn ngen. Awm pawh ka ti a, House Leader leh Parliamentary Affairs Minister ka rawn a, anni chuan a tha a lawm an ti,' a ti.