AAI enkawl tir maithai

Chief Minister Lalduhoma chuan nimin (13.3.2025) Assembly Session-ah Airport Authority of India (AAI) hnena Lengpui Airport enkawl tir chungchang sawiho a nih leh dawn thu a sawi. 

Lalduhoma chuan nimin zingah Union Home Minister Amit Shah nen Delhi-ah an inbiak thu sawiin, 'Airport kal zel dan turah AAI nena tih tlan dan kan zawng tha leh dawn em ni a ti a, NGO leh political party-te pawhin an duhdan a nih avangin tha kan ti,' a ti. 

Remchang hmasaah Union HM, Civil Aviation-te nen an pathuma an sawiho tur thu sawiin Chief Minister chuan, 'Kan sawi tawh angin India Air Force (IAF) hnena hlan ngawr ngawr hi kan tum a ni lo,' tiin 16th Finance Commission-ahte pawh an thlen thu a sawi. 

Chief Minister chuan AAI chungchangah Union HM-in hmalak pui a tum takzet nia a hriat thu sawiin, 'Helam pang kawng hi kan zawh thei thut maithei,' a ti.