Lehkha pek chhuah man la dawn lo

Armed Veng South Local Council-a ZPM kaihhruai sorkar chuan local council-te'n lehkha hrang hrang an pek chhuaha pawisa an lak thin chu an la ve dawn lo.

LC inthlan neih zawh takah khan Armed Veng South-ah hian ZPM-in seat awm zawng zawng pasarih la vekin sorkarna an siam a, an thutkhawm hmasa berah LC-te'n lehkha an pek chhuaha pawisa an lak thin chu tihtawp an rel. LC hmasate'n pawisa an lak thin zawng zawng chu an la ve tawh dawn lo.

Local Council-ten lehkha chhuak tura hming an sign avanga rate an lo insiam thin chu Armed Veng South Local Council sorkar thar chuan tha a ti loa, mipui lakah dan phal chin bak sum khawn lo thei ang bera hnathawh an tum thu leh mipui chhawk zang khai thei ang zawng zel a rorel an tum thu an sawi. 

Armed Veng South Local Council chuan dik lo nia an hriatah chuan huaisen taka rorel an tum a, an vengin hma a sawn zel theihna atan mipui tawiawmna an ngen nghal.