Tuikhuahtlang YMA-in thupha an chawi
admin 06-Apr-2025 06:29 PM*THUPHA CHAWINA*
Tukin dar 4:00 bawr vela Dawrpui Aizawl Watch House bula invihna thleng anga thu leng chungchangah Tuikhuahtlang Branch YMA chuan information a dawng a, misual rual parukin chem a an vih thu leh heng mite hian silai an ken bakah Mizo ṭawng an pai thu dawn a ni a. Branch YMA chuan hemi chungchangah hian hma a la nghal a, hliam tuarte thlavang hauh nghalin Aizawl Police Station ah Branch YMA hruaitute pawh kal nghal a ni.
Police te nen theihtawp chhuah a hnuchhui nghal a ni a, chhui chianna ah in vihna thleng hi thudiklo niin hliam tuar hian dawt phuahchawpin a chhungte bulah thudiklo a hrilh a. A inpuanna ah a hliam neihte hi Bike a a chetsualna anih thu sawiin hei pawh hi finfiah a ni a, Police lam hian case siamsak in an man nghal a ni.
He thil thleng hian Vengchhung bakah Zoram mipuite a tithlabar em em a, Police lam pawh a tibuai hman hle a. Heng te avang hian Branch YMA chuan pawi a tiin thudik zawk puanchhuah ṭulin a hria a, thudik tawk lo thuleng avang hian Zoram mipui leh a bik takin Mizoram Police te chungah thupha kan chawi tak meuh meuh a ni.
*C. LALRINCHHANA*
Secretary
Tuikhuahtlang Branch YMA
