Sorkar hnathawkten MSUHS duh lo

Sorkar hnathawk inzawmkhawmna Federation of Mizoram Government Employees and Workers (FMGE&W) chuan vawiin (8.4.2025) hian Vanapa Hall-ah khawmpui an hmang a, chawhnu lamah ro an rel. An rorel zingah Mizoram State Univesal Healthcare Scheme (MSUHS) chungchang an tel.

FMGE&W tarlan dan chuan 'Mizoram Universal Healthcare Scheme chungchang chu ngun takin kan  sawi khawm a, affiliated association aiawhte pawhin an pawl ngaihdante an sawi bawk a, chuan, FMGE&W General conference chuan Special Assembly thuthlukna lo siam tawh chu a nem nghet a, MUHCS hi a system a la felfai tawk loh avangin  sorkar hnathawkte hi huam tir rih lo tura sorkar nawr chhunzawm ni se tiin thutlukna siam a ni,' an ti.

Tarlan tawh thin angin, MSUHS-ah hian sorkar hnathawkte chuan thla tin an hlawh zat a zirin contribution an nei dawn a, sorkar hna an thawh tirha an basic pay atanga 1% bawr vel an thawh thin a ngai dawn.