Vairengtea kuhva rah man sawifiah

Mizoram Sorkar chuan thuchhuah siamin, tunhnai (13.4.2025) a Vairengtea dan loa tawlhruk kuhva frah eng emaw zah man a nih chungchang a sawi.

Sorkar thuchhuah tarlan danin, Taxation Data Collection Centre, Vairengtea Tax official-te chuan April 10, 2025 zing dar 1:28 khan kuhva rah ro phur truck pali, chhiah awlruk tuma U/S 129 of GST Act 2017 palzutte highway-a an tihdin thu Lalhmachhuana, Asst Commissioner of State Tax, Data Collection Centre, Vairengte chuan ziakin a thlen. 

Truck leh a khalhtute chu - Hauchinkhupa,  MZ 04 9474 (Burma  kuhva rah ro bag 110 phur), Haungaihkhuala, MZ 04 A 0306 (Burma atanga lakluh kuhva rah ro bag 85 phur), Hmangaihsanga, MZ 04 A 3464 (Burma kuhva rah ro bag 111 phur) leh Liankima, MZ 04 A 6509 (Burma kuhva rah ro bag 105 phur)

Heng truck palite hi ngun taka Tax Official, Taxation Data Collection Centre, Vairengte te'n an endik hnuah Burma atanga lakluh kuhva rah ro an phur ngei tih finfiah a ni. Hemi bawhzui hian SI David Lalzirliana leh midangte chuan a tul anga hma la nghal turin Taxation Data Collection Centre an pan.

A hmun an va thlen hian a chunga tarlan truck driver zawng zawngte khi an truck-te kalhin an tlanbo fai vek tih hmuhchhuah a ni. Hetiang a nih tak avang hian truck leh an thil phurhte chu him dam taka kawl anih theih nan Taxation Department kutah dah a ni.

Hemi hnu hian theihtawp chhuahin driver tlanbote zawn chhuah hna thawh chhunzawm zel a ni a, April 14, 2025 zing dar 4:30 khan driver 4 zinga 3 te man chhuah an ni a, chungte chu - Hauchinkhupa (22) s/o Pausiama, Kawlbem, Saitual District (MZ 04 9474) , Haungaihkhuala (39) s/o Nginzathanga, Champhai Dinthar, Champhai District (MZ 04 A 0306)

leh Hmangaihsanga (40) s/o C. Masthanga, Champhai Venglai, Champhai District (MZ 04 A 3464) te an ni.

An zinga mi Liankima s/o Rumliana, Champhai Bethel Veng, Champhai District, Ph.No. 7630088634 (MZ 04 A 6509) chu a awmna chin hriat a ni lo a ni.

Hriatpuitu mi rinawm tak takte awm lai leh hmuh lai ngeiin Burma kuhva rah ro leh a phurhnate hi man a ni. Heng kuhva rah rote hi Champhai atanga rawn phurh, Bagha, Cachar, Assam-a phurh thlen tur tih hriat a ni A phurtu Driver-te hian Kolasib District Magistrate thupek chhuah vide. Memo No. J. 32019/1/2024-DC(K) Vol-II/ Dt.13.03.2025 chu an palzut a ni.

Driver-te leh an thil phurh Burma kuhva rah ro hi dan anga hmalak chhunzawm anih theih nan District Magistrate, Kolasib District hnenah police te'n an thlen a ni.