Ti tawp nghal turin hriattir

MZP hruaitute chuan vawiin (16.4.2025) chhun khan Thaidawr Tlang, Phuldungsei Mizoram chhunga Tripura Sawrkarin kut an thlakna hmun tlawhin an enfiah.

MZP chuan, Mizoram chhunga Tripura Sawrkarin kut a rawn thlak fo hriatthiam har an ti hle tih tarlangin, 'Helai hmuna hmalakna zawng zawng hi ti tawp nghal turin a hmun a hnathawktute hriattir kan hriattir nghal. Mizoram Sawrkar pawh Tripura Sawrkar hi a rang lama an hmalakna zawng zawng ti tawp tura hriattir turin kan ngen nghal a ni,' tiin, Mizoram Sawrkarin Thaidawr Tlang panna kawng link road laih tlang pawh ngaihven zui nghal vat an ngen thu an tarlang.

He hunah hian, Phuldungsei Village Council hruaitute leh Mizo Convention: Youth Wing, Jampui Hills te'n MZP hruaitute hi an tawiawm a ni.