Ar vulh leh puahtute an inhmukhawm

Nimin (21.04.2025) khan All Mizoram Poultry Farmers Association (AMPFA) leh Vairengte Ar Puah Association-te chuan Vairengteah joint meeting an nei.

Meeting-ah hian Mizoram chhunga ar vulha eizawng mek chhungkaw 1,000 vel ten tunlai hian an ar lian tihralnaah nasa takin harsatna an tawh thu leh a chhan chu Mizoram pawn atanga ar a nung chung leh puahsa (frozen) a lo lut nasa lutuk a nih thu tarlan a ni.

Ar vulh leh puahtute chuan state pawn ar lakluh kawngah hian an harsatna a lo ziaawm theih nan a theih ang anga hmalak dun zel nise an ti.

Mizo mipuiten sa thianghlim leh hrisel chauh an ei theih nan an hmalakna hi mipuiten theihtawp chhuaha support turin an ngen.