5 star hotel buaipui zel

Tourism Department chu Mizoramin 5 star hotel a neih theihna tur an buaipui zel a, 5 star hotel atana Chaltlang Tourist Lodge siam duh zawnna an chhuah thei tep.

Bengvarna thudawn danin, Tourism Department hian 5 star hotel atana Chaltlang Tourist Lodge siam a nih theihna atan Chaltlang Tourist Lodge hlutna PWD-te an chhut chhuah tir tawh. Tunah hian sorkar atanga phalna an nghak mek a, phalna an hmuh veleh 5 star hotel siam duh zawnna advertisment an chhuah ang.

Tarlan tawh angin, Tourism Department advertisment an chhuah hunah chháng duh pathum vel tal an awm ngei an beisei. Chhángtute chu an sûlhnu leh pawimawh dangte uluk takin an zir ang a, chuta tanga tha ber tur chu thlan tum a ni. A chhangtu turte'n an tihve tur hrang hrang a awm dawn a, a thlawna siam tawp tur a ni dawn lo.

Chhangtu pakhat chauh an awm a nih pawhin, pakhat aia tam chhangtu an awm tur a ni tih a nih kher dawn loh avangin harsatna a awm dawn lo.