Phir dam rei zinga pakhat zawk a thi

July 18, 1934 a piang, Mizo zinga phir dam dun rei ber nia hriat zinga pakhat zawk Lalchhingpuia (Lala), kum 91, Mission Veng chu nizan (22.4.2025) dar 11:40 khan a thi.

Lala phirpui chu Phirdailova (Phira) niin, Mission Vengah tho an cheng.

Phira leh Lalate hi Rohnuna leh Rualchhingite inkarah Mission Veng, Aizawl-ah an piang a, an piantirh atangin Aizawl an la pemsan lo a, Mission Veng an la khawsa ngar ngar a ni. Phira hi Boys M.E School ah a thawk thin a, Lala hi AIR, Tuikhuahtlangah a thawk thin thung a ni.

Phira hi a nupui Lalngaihawmi chuan 26.2.2022 khan a thihsan a, fa pasarih an nei. Lala nupui Rochhingpuii chu a la dam a, fa panga an nei.