Magistrate-in ran insualtir khap

Aizawl District Magisrate chuan Aizawl District huam chhungah pawisa inchawiin ran insual tir a khap a, khapna thupek bawhchhiate chu Section 223 BNS 2023 hmangin an chungah hremna lek a nih tur thu a tarlang.

An thudawnna in a târlan angin tunlai hian Aizawl hmun kilkhawr leh fianrialahte pawisa inchawia ui leh ar insual tirin, mi 100 atanga 300 bâwr vel an pungkhawm thin tih hriat a nih thu tarlangin, 'Pawisa inchawia ran insualtir hi The Prevention of Cruelty to Animals Act, 1960 Section 11 (1)(m)(ii) chuan a khap tlat a. ni Hetianga inhnamhnawih leh dân bawhchhetute chu pawisa châwi tir leh thla thum thlengin lung-in ah tân tir theih an ni,' tiin pawisa thâpa ran insualtir a lo rêm theih nan Section 163, BNSS 2023 in thuneihna a pêk angin ran insualtir hi a khap thu a tarlang.