FCS&CA Dept.-in mipui hriatthiamna ngen

Food Civil Supply & Consumer Affairs (FCS&CA) Department chuan furpui lo thleng tur thlir lawka Central Sawrkarin state sawrkarte NFSA buhfai (a thlawn chin) thla thum chhung i.e. June, 2025 atanga August, 2025 pe thei tura a ngen angin Mizoram Sawrkar pawhin theihtawp chhuaha hma lain, thla thum daih ration quota hi FCI atangin a phur chhuak kim vek tawh tih tarlangin, 'June thla bul lam khan sem nghal mai turn a ni nachungin khawl thilah rokhawlhna a awm avangin sem theih hun hi a tlai ta deuh a, mipui hriatthiamna kan ngen a ni,' an ti.

A ruala thla thum quota sem hi la tih ngai loh anih avangin NIC nen AePDS Software (ration semna software) her danglam dan ngaihtuaha hmalak a ni tih tarlang, FCS&CA Dept. chuan mipuite hriat atan thil awm dan tlangpui an tarlang.

FCS&CA Dept. tarlante : 

* A tirah buhfai a thlawn chin bik chu Despatch Order (DO - godown atanga retailer-te hnena buhfai pek chhuahna order) hi vawi khat ah thla thum daih tur generate turn a ni.

* Tichuan ePoS device ah vawikhat hmehin, thla thum tan a in issue (pe chhuak) tura ngaih a nih laiin, thla thum DO a hlawma han siam chhin khan ePoS device ah vawi khat hmeh chuan a lo in issue thei lo.

* A confirmation hi AePDS team, Central lamin kan umzui reng chung pawhin state min rawn hriattir mai si lo a ni.

* DO chu thlakhat te te a siam lehin, retailer-ten an ePoS device ah an han receive a, mipuia sem chhuahna tur ber module cash PDS chu ePoS device-ah a lang leh thei ta lo.

* Ni 20.06.2025 (Zirtawpni) khan Cash PDS hi a rawn lang leh tawh a, retailer thenkhat ePoS atanga ration pek chhuah chhin turn a ni a, amaherawhchu, a pek chhuah tur zat (kg zat) a lang leh thei lo a, hei hi dt.21.06.2025 thleng khan a la tha lo a ni.

* Vanneihthlak takin ni 23.06.2025 (Thawhtan) atang hian Epos machine a hman theih dawn ta a, ration la tur ten vawithum kut nem zel tur ani.

* Thla thum ration NFSA quota hi dan pangngai angin a thlawn veka khul tur a ni a, mipuite chu harsatna awmlo a NFSA thlathum ration quota la vek tur leh retailer-te pawn an mawhphurhna tha taka hlenchhuak theuh turin Supplies Department chuan duhsakna a hlan a ni.

* Tin, Card Pawl, a man nei chin (additional 3 kg @Rs.15/- per kg), Card Var leh Card Sen hi a pangngai a, thla khat te te a lak tur a ni thung ang.