Lakhuihthei thar tam inbeisei

Khawzawl District chhunga awm Sialhawk khua chuan nikum aiin kuminah hian lakhuihthei thar tam an inbeisei.

Sialhawk Lakhuihthei Society hruaitute sawi danin, Sialhawk khuaah hian chhungkaw 250 velin Lakhuihthei an ching. Nikum khan lakhuihthei quintal 9,000 vel an thar a, kuminah chuan quintal 12,000 vel thar chhuah theih an inbeisei a ni.

Kumin bikah hian quintal 200 vel an seng tawh a, a seng runpui hi July thla tawp lam atangin August thla laihawl vel thleng an nei thin a ni.

Lakhuihthei hralh chungchangah hian kumtin harsatna nei thin mah se, kuminah chuan Clover Organic Company leh Tuichangral FPC hmalaknain Guwahati a Aromatic Company nen an indawr a ni.

Aromatic Company hian an lakhuihthei thar chhuah te an leisak tawh dawn avangin harsatna an tawh an ring lo Kumina an thar chhuah ang te pawh an thawn thla zel tawh a ni.

Sialhawk khawtlang hian kum 2015 vel atang khan khawtlang huapin lakhuihthei hi an ching tan a, tuna lakhuihthei ching chhungkaw 250 zingah hian chhungkaw 100 chuangin lakhuihthei chin hi ei bel berah an hmang a ni.