Compartmental exam result a chhuak

Mizoram Board of School Education (MBSE) chuan vawiin (24.6.2025) chhun khan Higher Secondary School Leaving Certificate (HSSLC) leh High School Leaving Certificate (HSLC) Compartmental & Improvement Exam results a ti chhuak.

HSSLC compartmental exam arts subject-ah zirlai 59 in exam beiin mi 12 an pass a, 20.34℅ an pass a ni. Science subject ah zirlai 13 exam nawnah mi 7 an pass a, 53.85℅ an pass. Commerce subject ah mi 8 ah 4 an pass an, 50.00℅ an pass a ni.

Heti hian HSSLC, 2025 a pumpuiah zirlai 12,281 exam-ah zirlai 9,850 in an pass a, compartmental exam result chhuah hma a pass percentage chu 81.10℅ atangin 81.37℅ ah chho a ni.

HSSLC improvemental exam-ah arts subject-ah mi 12 ah mi 6 improved an ni a, science subject ah zirlai 14 exam zingah 6 improved an nei. Tin, commerce subject-ah zirlai 3  exam thaten improved results an nei thei lo thung. 

HSLC compartmental exam results-ah hian zirlai 58 atangin pass 26 an awm a, pass percentage hi 44.83℅ an ni a, improvemental exam-ah mi pahnih exam-ah an pass ve ve a, pass percentage hi 100℅ a ni. 

Heti hian HSLC, 2025 exam results pumpuiah zirlai exam 19,303 zingah zirlai 14,558 an pass chhuak a, pass percentage 76.68℅  atangin 76.84℅ ah a chho a ni.