Advanced-in sum sanction dawn

Mizoram Universal HealthCare Scheme (MUHCS) chu tluang taka kalpui a nih theih nana April 14, 2025 a 12th Preliminary Commmitee thukhawm chuan ruahmanna hrang hrang a siam a, chung an thurel bawhzuina pakhat atan MUHCS zawmtu hospital-ten chatlak lo a sum an hmuh theih nan Finance Department-in advance in sum a sanction thin dawn.

Advanced-a sum sanction a nih dawn thu hi vawiin (24.6.2025) chhun khan Finance Department chuan office memorandum-in a chhuah. Quarter khat (thla tum) ral hmain Mizoram State Health Care Society-in anticipated claim amount a chhut zat anga sanction thin a ni dawn.

==========