Thuneitute bula endik ngai ta lo

Champhai Police-te chuan tunhnai khan hmeichhe pakhatin a taksa-a a thuhruk heroin grams 44, cheng nuai 1.32 man hua chhut an man.

Champhai Police atanga thudawn danin, Champhai atanga Aizawl lam pana tlan maxi cab pakhat chu Chalbawiha Junction, Khankawn Police Check Gate-ah lo tih din a ni a, passenger zinga mi Zonunpari (37), Tahan, Myanmar chuan heroin a keng nia rinhleh a ni.

Hmeichhia a nih avangin magistrate nge gazetted officer hmaah endik a duh tih zawh a ni a, khawi zawkah mah hruai ngai loin Zonunpari hian a zak hnuai leh a kawnga a thuhruk sahbawn bawm pali-a heroin grams 44 hi a phawrh chhuak a ni. 

Zonunpari hi thubuai siam sak niin, police-te chuan inhnamhnawih dang an awm leh awm loh uluk takin an chhuizui mek a ni.