Ngopa-ah leiminin chenna in a hnawl

Vawiin (24.6.2025) tlai dar 2:15 vel khan Ngopa Chhimvengah kawng chhak atanga leiminin Samuel T Zothanmawia leh a nupui chenna in bakah an furniture workshop a hnawl. Leimin hian kawng a hnawh avangin Ngopa lam atangin Manipur kal theih a ni rih lo.

Bengvarna thudawn danin, Samuel T Zothanmawiate hi an fate an indan vek tawh avangin an nupain an cheng a, an furniture workshop hi eizawnna atan bera an hman a ni. Kar hmasa pawh khan kawng chhak hi a mi tawh a, in erawh a ti chhe lo. Hetiang a nih avang hian Samuel-ate nupa hi hun eng emaw chen an riak chhuak tawh a ni.

Leiminin in a hnawl lai pawh hian tumah an awm lo a, bungrua engmah lak chhuak hman a ni lo thung. Samuel-ate hi an hahthlak leh mamawh zual erawh a hmain an lo la chhuak tawh a ni.

Leiminna chhakah hian Ngopa Damdawi In a awm a, dinhmun hlauhawmah a awm avangin in thiar chhuah a ni. Leiminin kawng a hnawh hi zanin chuan thenfai hman a nih a beisei awm loh.