Mizoramin DGP thar a nei dawn
admin 23-Jun-2025 09:22 PMMinistry of Home Affairs (MHA) chuan vawiin (23.6.2025) hian Mizoram Director General of Police (DGP) atan Sharad Agarwal, 1997 batch IPS a ruat.
Sharad Agarwal hian Mizoram DGP ni lai Anil Shukla, AMGUT Cadre 1996 batch a rawn thlak dawn. Delhi Police-a Special Commissioner (Economics Offences Wing) Sharad Agarwal hian Mizoram DGP nihna a rawn chelh dawn.
Tarlan tawh thin angin Chief Minister Lalduhoma chuan Mizoram DGP atan hian Mizoram atanga direct IPS kan neih mek awm chhun David Lalrinsanga chu Mizoram DGP atan Central Sorkar hotute hnenah a lo dil tawh thin a ni.
David Lalrinsanga hi BSF IG atangin MHA chuan kumin March vel khan a la chhuak a, Mizoram DGP atan an dah beiseina a sang hle. National media lam phei chuan Mizoram DGP ni ngei tura an beisei thu an chhuah a, mahse a ni rih dawn ta lo. David-a hi 1995 batch IPS a ni.
