Mibo thiin an hmu

Ni 17.6.2025 atanga chin hriat loa bo H Zathuama (78), Tanhril chu vawiin (23.6.2025) chhun dar 12 vel khan thi-a hmuh a ni.

H Zathuama bo zawn hna hi vawiin atangin CYMA kaihhruaina hnuaiah thawh a ni a, Aizawl khawpui chhunga branch YMA 52 atangin mi thahnem tak an thawk chhuak.

Bo zawnnaa thawk chhuakte hnen atanga Bengvarna thudawn danin, H Zathuama ruang hi chhun dar 12 velah MZU thlang, Kelpuk Luiah thiin hmuh a ni ta a ni.

Tarlan tawh angin, H Zathuama hi ni 17.6.2025 zing khan chawhmeh zawng turin chhuak a, MZU Main Gate-ah sar 5:25 ah hmuh a ni a, hemi hnu hian a chin hriat zui ani ta lo a ni.

A chhuah lai hian lukhum dum a khum a, kawr ban tlawn hain iptepui a ak a, tiang a hawl bawk a ni.