Tank lorry a chesual

Nizan (21.6.2025) dar 11:30 vel khan Kolasib lam atanga Aizawl pana tlan tank lorry chu Lungdai khaw chhung pelh deuh kawngthlangah a tlanliam a, handyman nia hriat Ebenezer Halleluia (22), Saiphai, Kolasib District chu chetsualna hmunah a thi.

Bengvarna thudawn danin, tank lorry hian Lungleia filling station pakhata dah tur petrol a thun a, a driver leh Ebenezer Halleluia an chuang. Chetsualna hmunah hian Ebenezer-a thiin, a driver chuan hliam tuarin Civil Hospital, Aizawlah enkawl mek a ni.

Lungdai khawtlang mipuite chuan an YMA hruaitute kaihhruaina hnuaiah ruang leh hliam tuar lak chhuah hna an thawk. Ebenezer-a hi an khua Saiphai panpui mek a ni a, vawiinah vui a ni ang.

Tank lorry-a petrol-te hi a leak avangin tank lorry neitute leh Lungdai YMA hruaitute chuan fimkhur takin a lak chhuah hna he thuziahlai hian an thawk mek.