AR leh Excise tangkawpin heroin an man

Assam Rifles leh Excise & Narcotics Department, Champhai tangkawp chuan joint operation an neihnaah heroin eng emaw zat an man.

AR tarlan danin, Excise Department nen hian an thudawn bawhzuiin nimin (20.6.2025) khan joint operation an nei a, Champhai Zotlang huam chhungah hmeichhe pahnih hnen atangin heroin hawng 13 (grams 161.200) an man. Heroin hawng 13 hi cheng vbc. 1.209 hua chhut a ni.

Hmeichhe pahnih hi Excise & Narcotics Department, Champhaite'n kawlin, dan angin an chhui chhunzawm ang. AR-te hian hmeichhe pahnih identity hi an tarlang lo.

===========