Aizawl Mihlun Thlahte High Council

Kum 1950 hmalama Aizawla inbengbel tawh, an tu leh fate'n V. Thanga In, Dawrpuia an din Aizawl Mihlun Thlahte chuan nimin (21.6.2025) khan Inkhawmpui Lian 'High Council' chu I&PR Conference Hall-ah an hmang a, mi za tel an pungkhawm. 

Aizawl lal lo ni tawh Lalsavunga Sailo tuchhuan Lalrinenga Sailo, Aizawl Mayo chuan khuallian niin a hmanpui. Lalrinenga Sailo chu, 'Aizawl Municipal Corporation in Aizawl mipuite tana hmasawnna kawng hrang hranga, an thawhna leh mipuite thlawpna avangin Aizawl khawpui hmel thar kan hmu chho mek a ni,' tiin, Aizawl neitu Aizawl Mihlun Thlahte'n an rawtna anga AMC huaihawta Aizawl mipui huapa 'Aizawl Day' hman pawhin hlut a hlawh chho zel tih sawiin; Aizawl hmasawn zelna atan an ngaihtuahna seng chhunzawma, finchhuah zel turin Aizawl Mihlun Thlahte a sawm. 

High Council hi an pawl Vice Chairman John Rotluangliana Ex-Minister chuan a kaihruai an Chairman K. Liantlinga Ex-MLA chuan presidential address sawiin; General Secretary V. Lalnunthara (Mathara) report danin; Aizawl Mihlun Thlahte-ah hian member 1,500 an awm mek a, kumin chhunga an member, nunna chan 17 te hriatrengna hun an hmang. Chumi hnuah High Council Rorel neih zui a ni.