An rinhleh ang ngeiin heroin a lo kawl

Khankawn Police Check Gate-a duty-te chuan ni 20.6.2025 khan maxi cab pakhat an endiknaah, maxi cab-a chuang Lalrindiki (31), Zokhawthar chuan ruihhlo a taksaah emaw a bag vela a dahtha ngeiah ngaiin, Judicial Magistrate, District Court, Champhaiah an hruai.

Magistrate hmuhlaiin Lalrindiki hi endik a ni a, a thawmhnaw haklai kara a dah heroin grams 50, sahbawn bawm pangaa dah leh a bag a mi plastic container pakhata dah heroin grams 28 an hmu chhuak. Lalrindiki hnen atanga heroin an hmuh chhuah hi a vaiin grams 78 niin, Rs. 2,34,000 man hua chhut a ni.

Lalrindiki endik a nih lai hian civil witness pawh pahnih an awm a, audio leh video hmangte pawha lak vek a ni. Lalrindiki lakah hian Champhai Police Station-ah thubuai an ziaklut.