Show cause notice pek rel

Nimin (30.4.2025) khan Commerce & Industries Minister F Rodingliana hoin a office-ah dan loa industry ram luahtute chungchang sawiho a ni a, show cause notice pek an rel. Meeting-ah hian Land Revenue & Settlement (LR&S) Minister B Lalchhanzova leh department pahnih official-te an tel.

Meeting-ah Industrial Growth Centre (IGC), Luangmual leh Export Promotion Industrial Park (EPIP), Lengte chhunga harsatna hrang hrang awmte chinfelna tur hmalakna kal mekte thlirhoin, chak zawka hmalak zel dan tur an sawiho. 

Industrial area chhunga dan loa awmte leh dan anga hmunhma pek, pek ang ni loa hmalate chungchang chingfel tura department pahnihin joint meting neih tawha thurel bawhzui tawh dan leh joint task force-te hmalakna enho niin, nasa zawka hmalak zui turin an rel.

Dan loa industry ram luahtute chu showcause notice pek ni se an ti a, thupek zawm lote chu The Mizoram (Land Revenue) Act 2013, Section 101-na behchhana pawisa chawitir tura hmalak tum a ni. 

Meetig-a tarlan a nih danin, Revenue dana inziak angin thil dik lo titute hi Rs. 10,000 thleng chawitir theih niin, sorkar thu an zawmloh luih zel chuan nitin Rs. 5,000 zel thupek an zawm hma chu chawi tir tur an ni.