Ruihhlo vangin Myanmar-a haw turin ti

Ruihhlo tawlha inhnamhnawiha puh mi pali leh an chhungte chu Champhai Kanan Branch YMA chuan an veng chhung atangin chhuak turin an ti.

Bengvarna thulaknain Mapawlin a tarlan danin, Inrinini (3.5.2025) zan khan Champhai Excise & Narcotics Dept chuan heroin hawng 4 leh a neitua puh mi 3 - Siangremthanga, Hrangthanpuia leh Siangremmawiite an man a, an chhui zuina kal zelah Nokhenthanga an man zui leh a ni. Thu an zawhfiah hnuah Nokhenthanga tih loh mi pathumte hi jail-ah an ni.

Champhai Kanan Veng Branch YMA chuan thuchhuah siamin Champhai Excise & Narcotics Dept-in ruihhlo an mana inhnamhnawiah puh mi palite hi an vengah raltlana awm mek an ni tih tarlangin, 'Kan veng tihmingchhetute hi raltlan ni mah se, sorkar leh YMA te duh loh ruihhlo hmanga sumdawnnaa inhnamhnawih an nih avangin an chhungte chu May 7, 2025 ral hmaa Myanmar-a haw tura hriattir an ni. Anmahni jail atanga an chhuah hnuah Myanmara haw nghal turin kan hriattir,' an ti.

Champhai Kanan Veng Branch YMA chuan Mizoram chhunga branch YMA hrang hrangte chu an huam chhunga lo awmtir lo turin an ngen.