Raltlante dawr luahtir phal lo

Edenthar Veng Local Council, YMA, MUP leh MHIP chuan thuchhuah siamin, an veng chhungah Local Council/ YMA hriatpuina tel lo chuan foreigners/raltlan in luah tir phal a ni lo tih tarlangin, 'Raltlante avanga khawtlangah harsatna a thleng anih chuan in neituten mawh an phur ang,' an ti.

Mi tupawh Local Council/YMA pem lehkha neilo te in luah tir phal a ni lo tih tarlangin Edenthar Veng Local Council, YMA, MUP leh MHIP chuan, '⁠Foreigners/raltlante vengchhung mipuiten dawr luah tir loh tur a ni a, in luah tur midang lanin tumah luahtir loh tur a ni. Foreigners/raltlanten in leh lo, ram an lei tur a ni lo. Hetiang ang lo zawnpui leh lo kawhhmuh an awm tur a ni lo. Raltlante zingah zu, ruihhlo leh sualna kaihhnawih a khawsa an awm chuan Edenthar ah an awm a rem lo ang. ⁠Edenthar Veng chhungah in leh lo luah tur a awm tawh loh avangin raltlante lo luh belh a rem tawh lo. Raltlante’n mikhual an neih phal a ni lo,' tiin raltlan chhinchhiah tawhte an hawng emaw hmundanga insawnte veng chhungah an awm phal a nih tawh loh thu an tarlang.