MZP-in chhui chiang tur din an phut

Vawiin (13.5.2025) chhun dar 1 khan MZP General Headquarters Extended Office Bearer chuan Sericulture Department hnuaia Sericulture Demonstrator post pali hawhkhat tura hna lak chungchang an sawiho.

MZP chuan Sericulture Demonstrator post 4 hna lakah thil felhlel a awm ngeiin an hria a, 'Mi ṭhenkhatten examination hall-ah mobile phone keng lutin paper-I (English leh G.K) hi entawn an awm ngeiin kan hria. Hetianga hnalak dik lo hi exam beitu thenkhatten complain mah se, kaltlangpui luih a ni. Hetianga dik lo taka hnalak hi chhui chiang vat turin Sericulture Department hotute kan ngen. May 21, 2025 (Nilaini) ral hma ngeia hnalak dan chhuichiang tur Inquiry Committee din turin sawrkar kan ngen nghal,' an ti.

Mizoram Direct Recruitment (Conduct of Examination) Guidelines 2018; Sl. No. 24- Instruction to Candidate; Sl. No. 27- Dutes of Invigilator-te nen inkalhah an ngai tih tarlangin MZP chuan, 'Sericulture Department hnuaia thawk tur Sericulture Demonstrator post pali hi February 17, 2025 khan advertisement tihchhuah niin, Level 4 pax matrix a ni. Mi 41 te dilna pawm niin, mi 14 te reject an ni. Mi 38 ten April 8-9 , 2025 chhung khan exam beiin, mi 32 te chu May 7, 2025 khan personal interview tura koh an ni. Heng mite atangin mi 4 te chu thlan chhuah an ni a. Ni 8 May, 2025 khan appointment pek fel an ni,' tiin zirlai hna zawng mekte thalvang hauhin hma an lak zel dawn thu an tarlang.