Hmun tur zawng dawn

Mizo Territorial Army dinna tura hmalakna kal mekah Mizoram Sorkar chuan a buaipui tur Coordination & Land Search Committee a din a, chairman chu Lt. Col. Clement Lalhmingthanga, MLA a ni.

Committee-ah hian member secretary chu Home Secretary niin, member-te chu GAD, Land Revenue & Settlement, Planning & Programme Implementation, Finance, Public Works Departments Secretary-te bakah Sainik Welfare & Settlement Director-te an ni.

Coordination & Land Search Committee hi vawiin (16.5.2025) chhun khan a tum khatna atan Secretariat Conference Hall-ah an thukhawm.

Meeting-ah Territorial Army Company hnih-te temporary a an lo awmna tur, Aizawl leh Lungleiah

hmun zawngin ruahmanna siam ni se, tih a ni.

Territorial Army a tang turin Mizo thalaiten hlawhtling taka an tihtheih nan ruahmanna hrang hrangte lo kalpui turin Mizoram Youth Commission an beisei a, tul anga Sainik Welfare & Resettlement nen hma lo la tura tih a ni.