MPSC website hack chanchin

Nizan (15.5.2025) khan Pakistan cyber criminal hriat hlawh tak Team Insane PK ni ngeia hriatten Mizoram Public Service Commission (MPSC) official website mpsconline.mizoram.gov.in chu an chawkbuai a, mahse hun rei lote chhungin Mizoram ICT Department mithiamte chuan an siamtha a, a ngai ang thlapin a kal zui leh nghal. 

Thulaklnain Mizoram ICT Department thawktute hnen atanga thu an dawn danin Team Insane PK te hian nizan dar 10 chho khan MPSC website hi an khawihchingpen a, hunrei vak lo chhungin an logo te an tarlang a, India flag hal lai thlalak te an dah a ni.

Hetianga sorkar website pawimawh khawih chingpen a ni tih hriat a nih veleh ICT a informatics officer-te chuan hma la nghalin, hun rei lote chhungin website chu lak let sakin a ngai angin an siamtha leh nghal a ni.

MPSC member pakhat chuan website venhimna nasa zawka kalpui a tul thu sawiin tunhnaia India leh Pakistan inkara induna tenau a chhuah atangin Pakistan cyber criminal-te chuan India ram sorkar website leh sumdawng website tihbuai tumin an bei nasa hle niin a sawi.

MPSC website an khawih buai chhung hian Team Insane PK nia hriat hian an pawl logo te dahchhuakin India ram flag hal lai thlalakte an dah hman a ni.