Zaithiam Ruotmawii'n a pa a chan

A zaithiam avanga Zoram mipui tam takin an duh em em Lalruotmawii chuan a fapa a sun atanga thla hnih pawh tling loah a hringtupa a sun.

Lalruotmawii pa Laltlalien (71), Churachandpur (Lamka),  Manipur chu zanin (18.5.2025) dar 7:36 khan cancer vangin a thi. Naktukah vui a ni ang.

Lalruotmawii a pasal Rev. Rammawipuia Pachuau chuan an fapa Vanlalfaka Pachuau (8) chu March 20, 2025 khan an sun a, Lalruotmawii hian a fapa a sun atanga thla hnih tling loah a pa a sun leh.

Tarlan tawh angin, zaithiam Ruotmawii te fapa Vanlalfaka hi March 20, 2025, tlai dar 3:30 khan Bangalore Baptist Hospital-ah a thi.

Vanlalfaka hi rei tak Acute Leukemia natna nei niin, Vellore leh Bangalore lamahte lo enkawl thin a ni tawh a, a hnuah  in lama enkawl niin March 19 zan khan a zual deuh avangin a tuk zing dar 4 velah hospital pan pui a ni.

Theih ang tawka ventilator nena enkawl nimahse, damdawi in a luh ni tlai dar 3:30-ah a thi.