Kolasibah methamphetamine an man

Kolasib Excise & Narcotics Department, New Diakkawn Branch YMA leh Tumpui Branch YMA tangkawp vawiin (3.6.2025) hian methamphetamine thahnem tak an man.

Excise leh YMA tangkawp hian an thudawn bawhzuiin vawiin chawhma dar 10:30 khan methamphetamine hi an man a, a vaiin mum 30,000 a ni. A kaihhnawiah mi paruk - Mizo pali leh hnamdang pahnih an man tel.

Methamphetamine tawlhnaah hian Vanlalhruaia (60), Kolasib Tumpui chu mawhphurtu bera ngaih a ni a, midang an mante chu - Lalbiakchhunga (34), Ahmed Hussain (33) leh Sadikul Haque (23) Karimganj ve ve bakah New Diakkawn mi pahnih Lalbiakhnuni leh Lalrinchhanite an ni.